Dy 16-vjeçarë janë arrestuar në Vlorë, pasi kanë vjedhur dy kondicionerë dhe i kanë shitur një 26-vjeçari. Ndërsa, për këtë të fundit ka nisur procedimi në gjendje të lirë pasi ka përvetësuar mallra që rrjedhin nga vepra penale.
“Specialistët për Hetimin e Krimeve të Komisariatit të Policisë Vlorë arrestuan në flagrancë për veprën penale “Vjedhja”, shtetasit 16 vjeç, të dy banues në Vlorë, pasi dyshohet se kanë vjedhur 2 kondicionerë, në lagjen “Pavarësia”, të cilët më pas dyshohet se i ka blerë shtetasi 26 vjeç, banues në Vlorë. Për shtetasin ka nisur procedimi në gjendje të lirë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, thuhet në njoftimin e Policisë.
Ndërkohë, materialet procedurale i kaluan Prokurorisë, për veprime të mëtejshme.
Discussion about this post