Mbrojtësi i Kombëtares, Marash Kumbulla po përmirëson vazhdimisht formën e tij përpara rikthimit të shumëpritur nga lëndimi. Qendërmbrojtësi shqiptar po stërvitet sërish me pjesën tjetër të skuadrës së Romës, me ekipin e Serie A që filloi përgatitjet për ndeshjen e ardhshme me Fiorentinën.
Kumbulla pritet të jetë në dispozicion të plotë të Mourinhos në muajin janar të 2024. Një lajm i mirë ky edhe për kuqezinjtë e Sylvinhos, me Kumbullën që pritet të jetë pjesë e grupit për në Euro 2024, me Shqipërinë që u shortua në grupin B me Italinë, Spanjën dhe Kroacinë.
Mbrojtësi 23-vjeçar u dëmtua fundin e sezonit të shkuar në një ndeshjes mes Romës dhe Milanit në “Olimpico”, gjatë një dyluftimi me Giroud.
Discussion about this post