Drejtori i komunikimit në PD, Alfred Lela ka debatuar këtë të enjte në “Now” me gazetarin Arian Çani lidhur me lobimin që duhet të bëjë opozita për shqetësime të ndryshme të Shqipërisë jashtë vendit.
Nisur nga miratimi i buxhetit të shtetit për vitin 2024 në një seancë që zgjati vetëm 7 minuta, Çani tha se edhe opozita duhet të bëjë punën e saj e të lobojë fuqishëm në Uashington e në vende të tjera, për të drejtat e deputetëve që pretendon se po shkelen.
Alfred Lela tha se në fakt opozita e ka një përfaqësues të sajin në aktivitetin që po zhvillohet në Uashington.
Pjesë nga debati në studio:
Arian Çani: Pse opozita sot nuk ka dy apo tre figura që të shkojnë të lobojnë në Uashington, të rrinë atje mos të vijnë fare këtu. Të shkojnë e në dy tre kancelari në Europë.
Alfred Lela: Partia Demokratike ka prej disa ditësh një përfaqësues në aktivitetin që po zhvillohet prej disa ditësh në Uashington.
Arian Çani: Po pse se thoni?
Alfred Lela: Doni edhe emrin tani? Ka sekretarin e marrëdhënieve me jashtë në Partinë Demokratike, Henri Cenon.
Discussion about this post