Analisti Lutfi Dervishi komentoi në studion e Euronews Albania, gjetjet e Barometrit lidhur me perceptimin e korrupsionit në vend, sipas të cilave janë 82.1% e qytetarëve që mendojnë se qeverisja është tërësisht e korruptuar apo ka shumë korrupsion.
Dervishi e cilësoi të gabuar rritjen e perceptimin se korrupsionin do e luftojë SPAK. Sipas tij, korrupsionin duhet të luftojë e para qeveria, që i ka instrumentet.
“Të rritësh pritshmërinë se korrupsionin do e luftojë SPAK është e gabuar, nuk është detyrë e tij të luftojë korrupsionin. Kur njerëzit besojnë më shumë SHBA, SPAK dhe pastaj besojnë Zotin.
Për shkak të korrupsionit, në politikë nisëm dekriminalizimin, SPAK nuk është drejtësi, është organ akuze, drejtësinë e jep gjykata. Korrupsioni duhet të luftohet nga qeveria, që i ka instrumentet, SPAK është vrima e fundit e kavallit”, tha Dervishi
Discussion about this post