Vrasja e Liridona Ademajt, arrestohet i dyshuari i 4-t/ Detajet

Policia e Kosovës ka arrestuar personin e katërt, si i dyshuar në përfshirjen e vrasjes së 30-vjeçares, Liridona Ademaj.

Mediat në Kosovë raportojnë se i dyshuari është një 49-vjeçar nga Gjakova. Mendohet se ai është personi që i ka siguruar armën e krimit Naim Murselit dhe Granit Plavës.

Më herët për krimin e rëndë u arrestuan edhe 3 persona të tjerë, mes të cilëve bashkëshorti i viktimës, Naim Murseli. Ky i fundit akuzohet se organizoi dhe planifikoi vrasjen e gruas së tij Liridona Ademaj duke e inskenuar si grabitje që shkoi keq.

Ndërsa vrasësi ishte Granit Plava. Ky i fundit ka pranuar para hetuesve të Prishtinës se Naim Murseli i kishte premtuar 30 mijë Euro për të vrarë gruan e tij.

Motivet e krimit nuk janë ende të ditura.