Një biznesmen është arrestuar ditën e sotme pasi dyshohet se ka përfituar tenderë me vlerë rreth 2 milionë euro duke prezantuar dokumente të falsifikuara.
Prokuroria njofton opinionin publik se ekziston dyshimi që, i dyshuari I.H., si pronar i kompanisë “Globi M.I.”, në Gjilan, përmes prezantimit të dokumenteve të falsifikuara ka arritur që t’i fitonte tre tenderë në Gjilan.
Më tej theksohet se me këto veprime të lartëpërmendura akuzohet për veprën penale “keqpërdorimi dhe mashtrimi në prokurorim publik”, të Kodit Penal, për të cilën gjendet nën masën e ndalimit.
Ndaj këtij personi Prokuroria Themelore në Gjilan, do të vazhdojë me procedurat e mëtejme hetimore.
Discussion about this post