Këtë mesjavë po luhen ndeshjet e radhës të Superligës Shqiptare me skuadrat që kanë zbritur në fushë vetëm për fitoren. Egnatia ka udhëtuar në transfertë ndaj Skënderbeut, të cilit i duhen vetëm tre pikët për t’u larguar nga zona e rënies. Egnatia nga ana tjetër kërkon fitoren e parë nën drejtimin e trajnerit të ri, Zekerija Ramadani.
Pjea e parë u mbyll pa shumë raste në të dyja portat, me Egnatian që rrezikoi korçarët në minutën e 17-të me Isenin, por goditja e tij ishte qendrore dhe u prit nga Rexhepi. Iseni pati sërish një rast në minutën e 31-të, por e dërgoi topin në tribune. Skënderbeu për pak shënoi në minutën e 35-të, por gardiani i Egnatias ia doli ta mbante portën të paprekur.
Ndërkohë në Shkodër, Vllaznia e vendit të tretë ka pritur Partizanin që kërkon të ruajë serinë e fitoreve. Vllaznia rrezikoi portën e të kuqve që në minutën e katërt me Gjurgjeviç, por u ndal nga Teqja.
Në minutën e tetë është Latifi ai që kërceu për të goditur, por shkaktoi faull ndaj portierit. Ka qenë po Liridon Latifi ai që iu dha avantazhin shkodranëve në minutën e 29-të, për t’i dërguar më të qetë në dhomat e zhveshjes.
Discussion about this post