Bujar Nishani merr pjesë në ceremoninë e Pjerin Ndreut në Lezhë

Ish-Presidenti i Shqipërisë dehe ish-deputeti i Partisë Demokratike, Bujar Nishani është shfaqur sot krah kryebashkiakut socialist Pjerin Ndreu.

Në një ceremoni të zhvilluar ditën e sotme nga Bashkia e Lezhës, ku Ndreu ka nderuar me çmimin “Qytetar Nderi” i Lezhës Altin Prengën për promovimin e vlerave, kulturës, traditës së zonës por dhe të gjithë Shqipërisë, me ngritjen e biznesit “Mrizi i Zanave Agroturizëm”, shihet edhe Nishani.

Bujar Nishani që në momentin që kryetari i Partisë Demokratike, Lulzim Basha e zëvendësoi me Edi Palokën, kryetarin aktual të Këshillit Kombëtar të PD-së, i ka shprehur hapur kritikat ndaj kreut të Partisë Demokratike.

Gjithashtu ai është një ndër mbështetësit dhe është parë në foltoret e ndërmarra nga ish-kryeministri Sali Berisha, por qëndrimi pranë Ndreut mbetet i pakuptueshëm.