Ish-presidenti, Bujar Nishani, ka bërë sot një deklaratë të fortë përmes të cilës sulmon ashpër kryedemokratin, Lulzim Basha. Përmes një postimi në Facebook, Nishani shprehet se Basha do të mbahet mend si armik i demokracisë dhe që luftoi vetëm për karrigen e tij. Ndër të tjera, ai shprehet se Basha do të përbuzet sa herë të ketë memorie për sakrificat e shqiptarëve për liri e demokraci.
“Lulzim Basha, sa herë që të jetë rasti të përmendet në politikë, do të kujtohet si një armik i demokracisë. Njeriu që zhvleftësoi tërësisht institucionet përfaqësuese në parti. Ai që asgjësoi votën e lirë, të drejtë e të barabartë në garë, Njeriu që mohoi të drejtën e garës dhe përfaqësimit,
Ai që ju mohoi gjysmës së popullsisë të votonin në zgjedhje. Drejtuesi që nuk lejoi të garonin e fitonin drejtimin e bashkive dhe përfaqësimin në këshilla bashkiakë të qindra demokratëve. Personi që nuk njeh legjitimitetin e shumicës”, shkruan ai. Në përfundim, Nishani iu bënë thirrje demokratëve që të ringihen për të shpëtuar Shqipërinë.
Discussion about this post