Kryetari i Partisë Demokratike, Lulzim Basha ka postuar në instagram një video nga takimi i sotëm për 8 dhjetorin, që u mbajt sot me të rinjtë në kuadër të Ditës Kombëtare të Rinisë.
Ai gjithashtu shkruan se gjatë këtyre viteve ne mësuam mbi të gjitha se çfarë do të thotë individualitet dhe se secili është i shenjtë në individualitetin e vet, askush s’mund t’i mbivendoset askujt tjetër.
“Në 8 Dhjetorin e 31 viteve më parë, guximi e mposhti frikën dhe solli pluralizmin. Ishte një rrugë e vështirë, pikërisht prej natyrës së komunizmit shqiptar, prej terrorit që mbizotëronte dhe kultit të individit.
Gjatë këtyre viteve ne mësuam mbi të gjitha se çfarë do të thotë individualitet. Secili është i shenjtë në individualitetin e vet, askush s’mund t’i mbivendoset askujt tjetër. Të gjithë jemi të barabartë para ligjit, para Zotit”- shkuan Basha.
Discussion about this post