Gazi natyror kthehet nivelet e paraluftës, po në Shqipëri?!

Në nivelet para fillimit të luftës në Ukrainë dhe ato që pasuan me sanksionet ndaj Rusisë dhe nisjen e krizës energjetike, çmimet e gazit natyror në tregun europian po lëvizin.

Kështu, dje në standardin e TTF-së, kontratat e dërgesave në janar 2024 u mbyllën me 34,8 euro/MWh, duke regjistruar një rënie ditore prej 3,5%, kur një vit më parë, më 13 dhjetor 2022, çmimi i “arit blu” që kishte shkuar në 138.3 euro/MWh dhe disa muaj më parë, në gusht 2022, kishte kaluar 290 euro/MWh.

Rrjedhimisht, kontratat e dërgesave në shkurt 2024 u mbyllën dje me 35.4 euro/MWh dhe për mars 2024 me 35.3 euro/MWh.

Prej disa ditësh, çmimi i gazit natyror në Evropë ka rënë nën barrierën prej 40 eurosh dhe pasoi një tjetër tërheqje.

Çmimi gazit dhe Shqipëria

Krahasuar me vendet e Rajonit, Shqipëria është shteti me çmimin më të lartë të naftës dhe të benzinës, ndjekur nga Serbia me çmimin e naftës 185.24 Lekë/Litër  dhe çmim benzine 175.97 Lekë/Litër. Kosova mbetet shteti me çmimin më të ulët të naftës dhe benzinës krahasuar me vendet e rajonit, respektivisht me çmimet 121 Lekë/litër (nafta) dhe 127.05 Lekë/Litër (benzina). Ndërsa sa i përket produktit të gazit, çmimin më të lartë në Rajon e ka Mali i Zi me 106.8 Lekë/litër, ndjekur nga Serbia me 96.68 Lekë/litër, Rumania me çmim 93.3Lekë/Litër dhe Shqipëria me çmim 93 Lekë/Litër. Ndërsa Kosova ka çmimin më të ulët të gazit me vlerën 61.71 Lekë/Litër.

Arsyet se përse Shqipëria renditet me çmimin më të lartë të rajonit, lidhen me nivelin e taksave që aplikohen mbi karburantet, ndryshimet fiskale të miratuara nga Këshilli i Ministrave, si dhe Inflacioni.

Konkretisht shqiptarët paguajnë 5 lloj taksash mbi karburantet duke zënë kështu 52.2% të çmimit final të naftës, vlerë kjo e llogatitur për muajin Janar 2022. Aktualisht për 1 litër naftë, konsumatorët paguajnë 38 Lekë Akcizë për karburante, 27 Lekë/litër Taksë Qarkullimi dhe 3 Lekë/litër Taksë Karboni. Kësaj vlere i shtohet TVSH prej 20%, e cila po ashtu rëndon konsumatorin në vlerën rreth 32 Lekë/litër, duke bërë totalin rreth 100.2 Lekë/litër vetëm taksa, pa marrë në konsideratë kosto të tjera të pikave të karburantit që operojnë në Shqipëri.