Kryeministri Edi Rama ndodhet në Bruksel ku po mbahet samiti Bashkimi Europian-Ballkani Perëndimor. Kreu i qeverisë ka pasur një takim kokë më kokë me Komisionerin për Zgjerimin dhe Fqinjësinë, Olivér Várhelyi.
Ky i fundit, në një postim në platformën “X”, bën të ditur se pas përfundimit të procesit “screening”, Unioni është gati që të hapë negociatat e pranimit për Klasterin e parë.
Ky hap i radhës pritet të ndërmerret gjatë Konferencës së dytë Ndërqeveritare që do të mbahet brena këtij viti.
Ndërkohë, kujtojmë se Athina zyrtare ka kërcënuar që të pengojë procesin e integrimit të Shqipërisë në Bashkimin Europian, nëse kryetari i zgjedhur i Bashkisë Himarë Fredi Beleri do të vijojë të mbahet pas hekurave.
Kryeministri grek Kyriakos Mitsotakis, deklaroi gjatë vizitës së tij në Tiranë në kuadër të samitit të Procesit të Berlinit se shpreson që çështja të zgjidhet miqësisht.
On the margins of #EUWBSummit discussed next steps of #Albania on its #EU path w/ PM @ediramaal
As we finished the screening exercise, we’re ready to open accession negotiations on Fundamentals – Cluster 1 – in the framework of an Intergovernmental Conference still this year. pic.twitter.com/lgNv3RkTOq
— Oliver Varhelyi (@OliverVarhelyi) December 13, 2023
Në Bruksel mbahet takimi mes liderëve të vendeve të Ballkanit Perëndimor me Bashkimin Europian. Në fokus të këtij takimi pritet të jetë anëtarësimi në Bashkimin Europian i vendeve të rajonit.
Ndërkohë kanë dalë edhe pamje nga takimi, ku kryeministri Rama shfaqet krah kryeministrit të Spanjës, Pedro Sanchez, presidentes së Komisionit Evropian, Ursula von der Leyen dhe shefit të Këshillit Evropian, Charles Michel.
Në orën 20.45 është parashikuar edhe një konferencë për mediat për konkluzionet e këtij takimi.
Me interes do të jetë edhe qëndrimi i Greqisë nëse do të pengojë apo jo hapjen e grup-kapitujve të Shqipërisë për shkak të cështjes ‘Beleri’.
Discussion about this post