“Bashkimi Europian do që të hapë bisedimet për grup-kapitujt e parë sa më shpejt të jetë e mundur me Shqipërinë dhe Maqedoninë e Veriut”, u shpreh Presidentja e Komisionit Europian, Ursula Von der Leyen, gjatë një konferencë në Bruksel në kuadër të samitit BE-Ballkani Perëndimor.
Ajo theksoi qëndrimin e mbajtur prej kohësh tashmë nga KE, se integrimi do të jetë një proces i bazuar në merita për të gjitha vendet aspirante për t’iu bashkuar Unionit.
Por sërisht mungoi një datë, dhe ky nuk është një sinjal i mirë për Shqipërinë.
Ndërsa, duke u ndalur te Kosova dhe Serbia, shefja e KE-së theksoi se e ardhmja e integrimit mes dy fqinjëve mbetet tërësisht në duart e tyre, duke u qëndruar angazhimeve që të dyja palët kanë marrë në procesin e dialogut që ndërmjetësohet nga BE.
“Kanë marrë hapa të rëndësishëm këtë vit me marrëveshjen e Ohrit, e cila tashmë duhet të implementohet dhe mirëpres uljen e tensioneve në Veri të Kosovës, më konkretisht me çështjen e targave dhe elektricitetin dhe përgatitjet për zgjedhje të parakohshme,” shtoi Ursula von der Leyen.
Presidentja e KE-së u ndal edhe tek ekonomia, duke sjellë në vëmendje Planin e ri të Rritjes që pritet t’i vijë në ndihmë rajonit. Megjithatë, theksoi Ursula von der Leyen, ato që duhen bërë janë reformat dhe më pas vinë edhe investimet.
Discussion about this post