Gazetari Enton Abilekaj ka reaguar në mbështetje të kolegut, Elton Qyno, i cili po përballet me presionet e SPAK-ut, për të treguar burimin e informacionit lidhur me disa biseda në SKY që ka publikuar, dhe për të cilat Prokuroria Speciale thotë se janë duke i verifikuar, por nuk janë të përfshira në fashikujt e dosjeve që kanë nën hetim.
Abilekaj shprehet se SPAK nuk kishte asnjë arsye për ta mbajtur peng gazetarin, as për të ekzekutuar aksionin e turpshëm të ditës së mërkure ndaj gazetarit, duke i bastisur zyrën dhe shtëpinë.
“Fatkeqësisht SPAK-u konfirmoi se marrja në pyetje për 11 orë, kontrolli i zyrës, bastisja e shtëpisë dhe sekuestrimi i telefonave, kompjuterit dhe mjeteve të tjera me të cilat gazetari Elton Qyno ka kryer detyrën, është bërë për publikimin e lajmeve rreth çështjes Nuredin Dumani.
Ka patur një vendim të meparshëm të GJKKO për mospublikimin e dosjes dhe, sipas prokurorëve, gazetari nuk e ka respektuar. Njëkohesisht njoftimi zyrtar i SPAK pranon se informacionet që publikonte Qyno, nuk i dispononte akoma. Kjo do të thote se nuk ishin pjesë e dosjes, pra nuk ishin as pjesë e vendimit të mëparshem të GJKKO.
Përtej vendimit që krijon precedent të rrezikshëm dhe u kundërshtuar atëhere edhe nga organizatat ndërkombëtare të gazetarëve, këtu kemi të bëjmë me tejkalim të vendimit nga SPAK, sepse informacionet nuk ishin pjesë e dosjes.
Në këto kushte gazetari ka dhënë kontribut për Dosjen, nderkohe që hetuesit e BKH dhe SPAK, prej të paktën 6 muajsh nuk kanë bërë asgjë. Për këtë kontribut gazetari bëhet viktimë e represionit, jo nga kriminelet e prekur, por nga Drejtësia, nga përfituesit.
Ashtu siç pritej, SPAK nuk kishte asnjë arsye për ta mbajtur peng gazetarin, as për të ekzrkutuar aksionin e turpshem të ditës së merkurë ndaj gazetarit, duke i bastisur zyren dhe shtëpinë.
Ne vend te shtetit ligjor ofron shtetin represiv, ne vend te luftes kunder korrupsionit dhe krimit te organizuar, ofron luften kunder transparences. Kjo eshte nje ngjarje alarmante per te drejtat e njeriut dhe skandaloze per cenimin e punes se gazetarit. Eshte nje ngjarje qe kerkon reagimin e menjehershem te organizatave nderkombetare te gazetareve ndaj nje institucioni te pakontrollueshem ne nderhyrjen tek pushteti i medias, por i keqperdorshem kur hyn tek pushteti ekzekutiv.
Discussion about this post