Ish-shefi i antidrogës i arrestuar në Ekuador, gazetari shqiptar zbulon detajet

Në Ekuador, agjensitë ligjzbatuese kanë arrestuar gjeneralin Pablo Efrain Ramirez, i cili ka mbajtur pozicionet e ish-drejtorit të Antidrogës, ish-drejtor i Sigurisë Publike dhe më pas u nxor në rezervë nga qeveria e vendit.

Gazetari Dashamir Biçaku, në një postim në rrjetet sociale, shkruan se ai u arrestua lidhur me një hetim që ka të bëjë me vrasjen e Leandro Norja, një nga trafikantët dhe bosët e mafies ekuadoriane.

“Kur isha në Kuito e intervistova z. Ramirez mbi hetimet e ndryshme që lidheshin me rastet e shqiptarëve të përfshirë në trafikun e kokainës.

Sigurisht që kishte pasur dorë në shumë prej hetimeve të realizuara për subjektet shqiptare. Tashmë ai është pas hekurave, i dyshuar për korrupsion në rastin e favorizimit të një grupi të trafikut të kokainës.

Asnjëherë nuk mund ta dimë kë kemi përballë, por gjithmonë duhet të dimë dhe të kuptojmë se në cilin krah qëndrojmë…”, shkruan Biçaku.

Postimi i gazetarit

Intervistë me gjeneralin e Policisë ekuadoriane para arrestimit

Rastësitë shpesh janë të çuditshme dhe të japin shanse të cilat në momentin që ndodhin, nuk i kupton.  Fotoja i përket datës 26 shtator 2023, realizuar në Drejtorinë Qendrore Kundër Narkotikëve (SNAI), në Kuito të Ekuadorit.

Përballë meje është gjenerali Pablo Efrain Ramirez, ish-drejtor i Antidrogës në atë kohë, ish-drejtor i Sigurisë Publike dhe më pas u nxor në rezervë nga qeveria e vendit.

Sot ai u arrestua lidhur me një hetim që ka të bëjë me vrasjen e Leandro Norja, një nga trafikantët dhe bosët e mafies ekuadoriane. Bashkë me të edhe një duzinë gjyqtarësh, oficerësh e funksionarësh të policisë, drejtësisë dhe administratës po ashtu u arrestuan. Kur isha në Kuito e intervistova z. Ramirez mbi hetimet e ndryshme që lidheshin me rastet e shqiptarëve të përfshirë në trafikun e kokainës.

Sigurisht që kishte pasur dorë në shumë prej hetimeve të realizuara për subjektet shqiptare. Tashmë ai është pas hekurave, i dyshuar për korrupsion në rastin e favorizimit të një grupi të trafikut të kokainës.

Asnjëherë nuk mund ta dimë kë kemi përballë, por gjithmonë duhet të dimë dhe të kuptojmë se në cilin krah qëndrojmë…