Alban Ramosaj, vëllai i Beatrix Ramosaj, ka folur për herë të parë lidhur me eksperiencën e motrës së tij në “Big Brother VIP”. Beatrix ka qenë në qendër të vëmendjes për shkak të romancës që po kalon brenda shtëpisë me Donaldin. Lidhur me këtë Albani shprehet se është i lumtur për të, pasi ajo jeton nëpër filma dhe dashuron pa kushte, ndonëse në fillim pranoi se situata dukej shqetësuese.
“Ka qenë pak shqetësuese, por kur rri mendoj, kuptoj që nuk kanë idenë çfarë po flasin. Nuk na prek sepse ne e dimë se kush është Beatrix, e vërteta gjithmonë del. Nuk kemi asnjë lloj shqetësimi, shqetësimi i vetëm është që më ka marrë malli…
Unë jam shumë i lumtur. Ajo gjithmonë ka pasur problem të gjejë dikë që ta dashurojë dhe ta dojë. Është shumë e mirë pa pikë djallëzie. Ajo motra ime jeton nëpër filma, dashuron pa kushte, lum ai që do mund ta bëjë për vete… Donaldin nuk e kam takuar asnjëherë, as nuk kam shkëmbyer asnjë fjalë të vetme me të”, tha Ramosaj.
Ai rrëfeu mendimet e tij të para në momentin që Beatrix po diskutonte për t’u bërë pjesë e këtij formati.
“Kisha mendime të ndryshme, por në fund thashë, pse jo?! Unë e njoh më mirë se kushdo Trixën, është njeriu më pozitiv dhe i sjellshëm. Ajo ka atribute që shumë femra duhet ta marrin shembull, pavarësisht se këto kohë është interpretuar ndryshe… Trixa është futur me një qëllim, të krijojë kujtime të bukura, të jetojë siç ka qejf, pa asnjë lloj djallëzie… Është një njeri që jeton poetikisht dhe dëshiron të krijojë momente”,- tha Albani.
Discussion about this post