Dy vëllezër 30 dhe 32 vjeç, me origjinë shqiptare, u arrestuan nga policia italiane, pasi akuzohen se trafikonin kokainë në zona të ndryshme të Italisë.
Policia raporton se gjatë kontrollit fizik iu sekuestruan 6.5 kg kokainë. Gjatë një kontrolli në makinën e tyre policët zbuluan një ndarje sekrete, të punuar me dorë nën levën e marshit dhe e cila mund të hapej vetëm me një mekanizëm të posaçëm elektronik, brenda së cilës fshiheshin 3.5 kg pluhur i bardhë.
Më pas u arrestua njëri nga dy vëllezërit, që drejtonte makinën. Gjatë kontrollit të apartamentit ku banonte i arrestuari, policët zbuluan dhe sekuestruan 3 kg të tjera drogë, si dhe mbi 70 mijë euro cash, gjë që rezultoi edhe në arrestimin e vëllait tjetër.
Discussion about this post