Një aksident i rëndë me dy viktima dhe një të plagosur ndodhi gjatë paradites së sotme (18 dhjetor) në “Rrugën e Arbrit” pranë Shkallës së Tujanit.
Si pasojë e përplasjes, njëra prej makinave ka rënë nga lartësia në humnerë dhe dy shtetasit që kanë qenë në këtë automjet, kanë humbur jetën.
Egila Celami, 29 vjeçe dhe Marsel Tefa, 35 vjeç, nga Burreli janë viktimat e aksidentit në rrugën e Arbrit. Çifti i të rinjve ndodheshin në mjetin tip Toyota, e cila po vinte nga By-Passi i Murrizit në drejtim të Tiranës.
Raportohet se aksidenti dyshohet se erdhi si pasojë e një parakalimi të gabuar nga automjeti tip Volkswagen Cady.
Në momentin që Caddy është futur në parakalim ka goditur Toyotën, e cila si pasojë e shpejtësisë dhe përplasjes është rrotulluar në ajër dhe ka rënë në kanalin anësor të rrugës.
Automjeti tip Toyota është shtypur totalisht dhe është dashur të ndërhynë zjarrfikësit që kanë prerë tavanin e makinës për të nxjerrë trupat e pajetë të dy të rinjve.
Ndërkohë, drejtuesi i mjetit tjetër, Klaudio Ruci, ndodhet në spital për ndihmë mjekësore
Njoftimi i policisë:
Tiranë/Informacion paraprak
Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.
Drejtuesi i automjetit tjetër, shtetasi K. R., ndodhet në spital, në kujdesin e mjekëve.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.
Discussion about this post