Kreu i opozitës Sali Berisha paralajmëroi protesta të përjavshme para Parlamentit. Gjatë fjalës së tij të mbajtur në protestën e sotme para Kuvendit, ndërkohë që paralelisht po zhvillohet edhe mbledhja e Këshillit të Mandateve, ku prokurorët e SPAK po kërkojnë autorizimin për arrestimin e kreut demokrat.
Berisha paralajëmëroi kryeminsitrin Edi Rama se fundi i tij do të jetë fatal.
Edhe sot, ne jemi këtu, për idealet e lirisë, në një kthesë që na fton historia, në një betim që kërkon e sotmja dhe e ardhmja jonë, për t’i komunikuar Edi Ramës, këtij armiku të egër se je i dënuar përjetë për shkak të votës së shqiptarëve.
Edi Rama bir xhelati, nip xhelati ke vite që sillesh si xhelat me votën e shqiptarëve. Ke vite që shqiptarët votojnë dhe t’i nxjerr hanxharët e krimit dhe të bandave për të ekzekutuar votën e tyre. Ke vite që për karrigen tënde nuk njeh ligj e moral, duke besuar se demokratët i shtype. Edi Rama të ka ardhur fundi. Të garantoj që kurrë më votën e shqiptarëve s’do guxosh ta prekësh.
Gjej skutë ku të futesh, gjej vrimë miu ku të futesh!
Ndërkaq, më 27 dhjetor, Berisha kërkoi një protestë para Gjykatës së Lartë ku do të jepet vendimi për logon e Partisë Demokratike.
“Më 27 dhjetor çdo demokrat e demokrat para Gjykatës së Lartë, ku Edi Rama ka porositur ekzekutimin e identitetit tonë. Ne do të qëndrojmë. E enjtja që vjen të gjithë para Parlamentit monist. Në pesë javë e shndërruan Parlamentin në një ndërtesë dhe jo më shumë. E patë që 43 deputetë, Parlamentin e krimit e futën në ilegalitet. Ju ftoj në protestë çdo të enjte, për Parlamentin, për demokracinë”, tha Berisha.
Discussion about this post