Një shkëndijë elektrike dhe më pas zjarr ka rënë në një çerdhe publike në lagjen “15 Tetori” të qytetit të Fierit. Ngjarja ka alarmuar të gjithë stafin e çerdhes publike që kanë njoftuar më pas dhe zjarrfikësit që kanë shkuar në vendngjarje. Menjëherë zjarri është shuar duke ndërprerë më parë energjinë elektrike, ndërkohë që janë evakuar edhe 33 fëmijët që ndodheshin në këto ambiente.
Edukatoret e çerdhes kanë bërë të mundur transportimin e fëmijëve në një godinë ngjitur me të, ndërsa menjëherë janë lajmëruar prindërit. Gjithashtu, grupi hetimor ndodhet në vendngjarje sëbashku me policinë për të zbardhur më tej edhe këtë ngjarje të rëndë, fatmirësisht pa viktima apo të plagosur.
Discussion about this post