Ish-zv.kryeministri Erion Braçe është treguar sërish kritik ndaj qeverisë gjatë seancës parlamentare të ditës së sotme. Ai iu kërkoi deputetëve të pranishëm në sallë të mbajnë maskën, duke theksuar se shteti ka përdorur taksat e shqiptarëve për të luftuar pandeminë, teksa në Kuvend nuk respektohen masat.
“Deri sot ka paguar shteti testimet publike, me taksat e shqiptarëve pa diskutim. Po këto do jenë më të shtrenjta, do vijë momenti, për shkak të pamundësisë. Do sillemi sikur nuk jemi mes Covidit, sikur s’kemi rregull që brenda ambienteve të mbyllura të mbajmë maska.”
Me tone të ashpra Braçe kërkoi që ISHP-ja të vendosë gjoba sa rroga e një deputeti për parlamentarët që nuk respektojnë masat. Ai theksoi se Covid-19 është një sëmundje që duhet trajtuar me disiplinë pasi po i kushton shumë familjeve shqiptare dhe buxhetit të shtetit.
“Duhet të vijë ISHP dhe të vendosë gjoba rrogën e një deputeti. Ça do bëjmë këtu, do bëjmë muhabet që kam bërë 2-3 vaksina ç’më duhet maska! Është një sëmundje që mundet me disiplinë dhe jo gjithsecili të sillet sipas dëshirës së vetë. Po i kushton familjeve dhe buxhetit të shtetit dyfish. Si ulen kostot duke paguar qeveria?”, tha Braçe.
së Partisë Demokratike, Braçe iu drejtua deputetes së Partisë Demokratike duke i kërkuar të vërë maskën edhe pse mund të jetë vaksinuar.
“Po vëre maskën, më flet mua dhe as maskë nuk vë, për çfarë e bën! Je e vaksinuar, ka rregull moj zonjë, je apo jo i vaksinuar, mbahet maska!”, i tha ai.
Socialisti i bërë thirrje nga foltorja e Kuvendit të gjithë qytetarëve që të vaksinohen, teksa shtoi se fjalët e thëna në Kuvend dhe apelet për vaksinim humbasin vlerën nëse vet deputetët nuk respektojnë masat.
“Po paguajmë pafund para nga buxheti i shtetit. Është mundësia që është falas nga qeveria, ça të kushton për të bërë vaksinën, kjo historia që s’më kap gjë mua, jam në ajër të pastër dhe s’më zë? Me thënë të drejtën këtu mund të vijnë edhe marrëveshje të tjera, qeveria mund të marri hua sa të dojë, po në këtë sallë fjala nuk ka vlerë sa kohë nuk respektohen rregullat”, tha Braçe.
Discussion about this post