Dy vjet më parë, ish-ministrja e Financave Delina Ibrahimaj deklaroi pas një mbledhjeje qeverie se një task forcë do të mbrojë konsumatorët nga blerjet online. Por emisioni “Stop” në Tv Klan ka bërë hetimet e tij në shitjen online përmes Instagram-it të disa produkteve të rrezikshme, që klasifikohen si armë të ftohta të llojit maska hajdutësh, spraj paralizues, pranga policësh apo edhe elektroshok.
Ish- shefi i balistikës në Institutin e Policisë Shkencore, Shpëtim Huda shpjegon legjislacionin për armët duke nënvizuar se produktet që emisioni bleu hyjnë tek armët e ftohta dhe tregtimi i tyre në këtë mënyrë përbën vepër penale.
“Stop” jo vetëm i porositi online, por në postën por në postën private ka shkuar t’i marrë një i mitur dhe nuk ka asnjë lloj kontrolli. Fillimisht, i mituri i drejtohet një poste private ku është porositur “maska për grabitje”.
I mituri: Si je?
Posta: Si je?
I mituri: Kam ardhur, kam porositur diçka në emrin Axxxxx Fxxxxx!
Posta: Ma thuaj numrin e telefonit, të lutem!
I mituri: 068 xxxxxxx!
Posta: Kjo shkon deri në 11 mijë lekë!
I mituri: (I jep lekët) Në rregull?
Posta: Në rregull!
I mituri: Pafshim!
Në një tjetër postë, i mituri merr pajisjen e elektroshokut, të porositur online. Njësoj si me maskën, edhe në këtë rast nuk i kërkohet asnjë informacion.
Posta: Përshëndetje!
I mituri: Si je?
Posta: Si je?
I mituri: Porosita për diçka me emrin Axxx Fxxxxx. Kam ardhur për ta marrë.
Posta: Ke ardhur për ta marrë ti?
I mituri: Po!
Posta: Shiko! Do më ndihmosh me numrin e telefonit, me të cilin ke bërë porosinë?
I mituri: Po! 068…
Posta: Po!
I mituri: xxxxxxx!
Posta: Është 20 mijë lekë!
I mituri: Sa? 20?
Posta: 20!
I mituri: (I jep lekët) Ok!
Posta: Faleminderit!
I mituri: Pafshim!/tvklan.al
Discussion about this post