Asfiksohet nga rrjedhja e gazit, ndërron jetë 56-vjeçari

Një 55-vjeçar ka ndërruar jetë rrugës për në spital pasi dyshohet se është asfiksuar në një hotel ku po qëndronte në qytetin e Maliqit.

Paraprakisht dyshohet të ketë pasur rrjedhje gazi në dhomë e për këtë arsye 56-vjeçari ka pësuar asfiksim.

Nuk ka ende të dhëna nëse është turist vendas apo i huaj, por pritet të zbardhen informacione të tjera në vijim.

Policia ka filluar hetimet mbi rastin.

Maliq/Informacion paraprak

Mëngjesin e sotëm, në një hotel në qytetin e Maliqit, dyshohet se për shkak të rrjedhjes të gazit nga bombola për ngrohjen e dhomës ku ishin akomoduar, janë asfiksuar shtetasi B. T., 56 vjeç dhe shtetasja E. N., 49 vjeçe, banues në Tiranë. Të dy shtetasit u dërguan për ndihmë mjekësore, në spitalin e Korçës, ku 56-vjeçari ka humbur jetën, ndërsa shtetasja E. N. ndodhet jashtë rrezikut për jetën.

Grupi hetimor po punon për sqarimin e rrethanave të ngjarjes.