Avokati Genc Gjoktaj ka publikuar në faqen e tij në rrjetin e tij social Facebook, pjese nga procesverbali i seancë së Komisionit te Mandateve dhe imuniteteve datë 18.12.2023 ku SPAK pranon se Sali Berisha nuk është fshehur dhe se ndaj tij nuk ka prova të reja që ta rëndojne poziten proceduriale!
“Ne kemi kërkuar ashpërsimin e masës, ashtu siç është e pasqyruar qartë, sepse personi nën hetim, zoti Sali Berisha, nuk është paraqitur për të zbatuar vendimin e gjykatës në tri raste të njëpasnjëshme.“A kemi të dhëna që është fshehur apo jo?” Nga seanca gjyqësore e vlerësimit të masës dhe nga seanca gjyqësore e shqyrtimit të ankesës suaj në Apel, kemi konstatuar se, kur oficerët e Policisë Gjyqësore kanë shkuar për t’i dorëzuar aktet, kanë gjetur 3 apo 4 dyer të mbyllura dhe kanë dalë persona të tjerë që u kanë thënë se nuk ndodhet këtu. Nuk është fshehur, sepse zoti Sali Berisha, si person nën hetim, është çdo ditë në medie dhe në televizor”, ka deklaruar Kraja.
Postimi i Gjokutaj
Pjese nga procesverbali i seances se Komisionit te Mandateve dhe imuniteteve date 18.12.2023 ku SPAK pranon se z. Sali Berisha nukneshte fshehur dhe se ndaj Tij nuk ka prova te reja qe ta rendojne poziten proceduriale!
Shkurt zevendesimi i masave te sigurimit ndaj Sali Berishes eshte thjesht hakmarrje politike dhe jo nevoje ligjore!
Genc Gjokutaj – E nderuara zonja Kryetare, në lidhje me përgjigjen e fundit, këto dy masa kanë kushte dhe kritere të veçanta dhe, si të tilla, kërkojnë kërkesa të veçanta. Pra, këto dy masa janë të ndryshme dhe organi i akuzës kërkon leje për të dyja masat, pastaj thotë: “Na jepni lejen ju dhe ne do të zgjedhim njërën prej tyre”. Kjo, sipas nesh, konsiderohet me pasojë pavlefshmërie, sepse çdo masë ka parametrat, kushtet dhe kriteret e saj për caktimin, madje kushte dhe kritere të veçanta, thotë ligji, respektivisht nenet 228, 229 dhe 230 të Kodit të Procedurës Penale.
Kam edhe një pyetje të fundit.
Zoti prokuror, po ju drejtohem juve, meqenëse ju po jepni përgjigje, a keni të dhëna që zoti Berisha gjatë kësaj kohe është fshehur, ka tentuar të dalë jashtë shtetit? Pra, a keni informacion të bazuar në dokumente, në prova që zoti Berisha ka tentuar të dalë jashtë shteti, të fshihet apo të mos jetë prezent? Marr shkas nga këqyrja që ju i keni bërë internetit për të vërtetuar faktin e moskomunikimit të vendimit të masës së sigurimit, ju e keni konstatuar në ueb që është dhënë vendimi në media dhe ai e ka konstatuar edhe nëpërmjet medies. Në këtë sens e kisha pyetjen.Faleminderit!
Arben Kraja – Ne kemi kërkuar ashpërsimin e masës, ashtu siç është e pasqyruar qartë, sepse personi nën hetim, zoti Sali Berisha, nuk është paraqitur për të zbatuar vendimin e gjykatës në tri raste të njëpasnjëshme.“A kemi të dhëna që është fshehur apo jo?” Nga seanca gjyqësore e vlerësimit të masës dhe nga seanca gjyqësore e shqyrtimit të ankesës suaj në Apel, kemi konstatuar se, kur oficerët e Policisë Gjyqësore kanë shkuar për t’i dorëzuar aktet, kanë gjetur 3 apo 4 dyer të mbyllura dhe kanë dalë persona të tjerë që u kanë thënë se nuk ndodhet këtu. Nuk është fshehur, sepse zoti Sali Berisha, si person nën hetim, është çdo ditë në medie dhe në televizor.
Ne po i themi parlamentit që zoti Berisha nuk zbaton vendimet e dy gjykatave të posaçme kundër korrupsionit dhe krimit të organizuar, të Shkallës së Parë dhe të Apelit. Ai është shtetas i Republikës së Shqipërisë dhe, si i tillë, duhet të jetë i barabartë, si të gjithë të tjerët përpara ligjit.
Genc Gjokutaj – Kjo është e fundit. Ju premtoj për këtë.
Zoti Prokuror, gjatë hetimit të çështjes, nga momenti i caktimit të masave të sigurimit dhe deri më sot që po flasim, a keni ju ndonjë provë të re të përftuar nga hetimi, e cila e rëndon pozitën procedurale në drejtim të sigurimit personal të zotit Berisha? Nuk e di nëse jam i qartë për këtë pyetje?
Arben Kraja – Nuk kemi thënë që kemi prova të reja që e rëndojnë, por kemi thënë se nuk po zbaton vendimet e gjykatës. Kaq, është shumë e thjeshtë.
Discussion about this post