Dy autorët e dyshuar për atentatin ndaj vëllezërve Paluca në Kamëz janë arratisur drejt Spanjës.
Burime nga policia e Lezhës bëjnë me dije se Hektor Ndoka dhe Edmir Vlashi janë larguar nga Shqipëria, disa ditë para se policia te kryente operacionin ku u ndaluan 3 persona dhe u sekuestruan sasia e eurove e sendeve të tjera që mendohet se do kryhej atentati.
Ndaj tyre pritet të lëshohet udhër arresti ndërkombëtar.
Policia arriti të ndalë atentatin që mësohet të ketë ardhur si pasojë e konflikteve të drogës të dyshuara që kanë nisur në Belgjikë me vëllezërit Paluca. Lënda eksplozive dyshohet se është sjellë në mënyrë ilegale nga jashtë Shqipërisë.
Në kuadër të aksionit të policisë, u arrestuan në flagrancë Mark Lamkja 27 vjeç, banues në fshatin Tale, Lezhë, i dënuar më parë në Itali, për veprat penale “Vrasja e mbetur në tentativë” dhe “Armëmbajtja pa leje”.
Gjithashtu, në pranga ka rënë çifti Nikoll Marku, 62 vjeç dhe Marie Marku, 60 vjeçe, të dy banues në lagjen “Varosh”, Lezhë.
Discussion about this post