Përmes një interviste televizive, Tritan Shehu, i ka kërkuar hapur sot Lulzim Bashës që të japë dorëheqjen nga drejtimi i PD-së. Shehu tha se Basha duhet të marrë pjesë në Kuvendin e 11 dhjetorit dhe pasi të jenë diskutuar të gjitha gjërat dhe PD të jetë ringritur ai mund të kandidojë sërish për kryetar.
“Partia është në krizë dhe duhej të diskutohej dhe në momentin që u mblodhën firmat në mënyrën më qesharake të mundshme më anti-statuore deklaron një kongres që nuk është kongres por antikongres. Në politikë ka një konsekuencë. Unë sot kërkoj hapur qartë dorëheqjen e zotit Basha bazuar në tre kolona kryesore dhe pika të tjera. Unë kërkoj nga zoti Basha që të vijë në kongresin e datës 11. Ai po të dojë të kandidojë prap nga e para pasi ka dhënë dorëheqjen. Berisha ka thënë që nuk përjashtoj të jem një nga konkurrentët për kryetar. Çdo gjë do të vendoset në kuvendin e 11 për të marrë të gjitha vendimet”, tha Shehu. Sipas Shehut, Basha tashmë duhet të veprojë në të mirë të partisë, që demokratët të dalin sa më parë nga kjo krizë, në të cilën janë përfshirë prej kohësh.
Discussion about this post