Eliminimi i garës së drejt në procedurat publike, tashmë është kthyer në një metodë të zakonshme nga bashkitë e vendit. Kësaj radhe Bashkia e Korçës, ka ndjekur të njëjtën mënyrë në një tender të hapur në datën 11 nëntor.
Tenderi i hapur nëpërmjet Ndërmarrjes së Shërbimeve Publike në Korçë, për blerje “tombino betoni” pra tubë betoni, mban mumrin e referencës REF-11160-11-11-2021 dhe ka fondin limit prej 3 815 500 lekët të reja, ose rreth 39 milionë lekë të vjetra.
Për këtë tender kanë marrë pjesë 3 kompani, të cilat janë “Baçi- EL 2003 sh.p.k”, “GJONI – AN sh.p.k” dhe “Andrea Mihallari”. Dy prej kompanive “Baçi- EL 2003 sh.p.k”, “GJONI – AN sh.p.k” janë skaulifikuar me arsyetimin se “nuk vërtetohet që mallrat të jenë sipas specifikimeve teknike dhe kërkesave të Autoritetit Kontraktor ku është kërkuar që tubot e betonit (Tombino) të jenë me hekur dhe sipas standardeve teknike të miratuara”. Pra, sipas këtij arsyetimi, dy kompanitë kanë hyrë në garë duke mos marrë parasysh se për çfarë kërkohet tenderi. Kështu është shpallur fituese kompania “Andrea Mihallari”.
Por në dokumentet e tenderit, dy kompanitë e skualifikuara kanë ofruar ofertën më të vogël se fituesi i tenderit. Konkretisht “Baçi- EL 2003 sh.p.k” ka ofruar 3,398,300 lekë të reja dhe “GJONI – AN sh.p.k” ka ofruar 3,430,500 lekë të reja, ndërsa “Andrea Mihallari” ka ofruar 3,627,575 lekë të reja.
Pra, për kreun e Bashkisë Korçë, Sotiraq Filo, nuk ka rëndësi se kush ofron shumën më të arsyeshme që puna të kryhet duke kursyer nga taksat e qytetarëve, por shpik arsye absurde që tenderi t’i shkojë atje ku e ka parashikuar ai. Për këtë, kjo procedurë ka marrë flamur të kuq nga “Open Data”, me arsyetimin “skualifikimi i të gjithë operatorëve konkurrues përveç fituesit”.
Gijotina.com
Discussion about this post