Avokati i Sali Berishës, Genc Gjokutaj, është shprehur se vendimi i Gjykatës së Lartë për të rikthyer çështjen për vulën e PD-së në Apel është antiligjore.
“Vendimi i Gjykates së Lartë në lidhje me Statutin e Rithemelimit të Partisë Demokratike sot është një shkelje flagrante e ligjit dhe që ndjek qëllime të pastra politike kundër vullnetit të anëtarësisë së saj!
Prishja e vendimit te Gjykates së Apelit dhe kthimi i çështjes po në Apel legjitimon skandalin më të madh procedurial njohjen si subjekt ankimues të Basha & Alibeaj, ndërkohe që ata nuk kanë qenë palë në gjykimin në shkalle të parë!
Ligjërisht Gjykata e Lartë duhej te kishte prishur vendimin e Gjykatës së Apelit për moslegjitimim të ankuesit dhe lënien në fuqi të vendimit të Gjykatës së Shkallës së Parë Tiranë!
Drejtësia shqiptare ka rënë! Ajo sot është kthyer në Agjensi Shërbimi pranë Qeverisë dhe mercenareve të saj”, shkruan Genc Gjokutaj.
Discussion about this post