Në pritje të vendimit nga GJKKO, ja lëvizja e Berishës

GJKKO pritet të japë vendimin mbi masën e sigurisë ndaj ish-Kryeministrit Sali Berisha, për të cilin SPAK ka kërkuar “arrest shtëpie”.

E ndërkohë që në GJKKO pritet zhvillimi i seancës, ish-Kryeministri Sali Berisha ka vendosur që të shpërngulet nga zyra e tij në PD në banesën e tij.

Duket se ish-Kryeministri do të presë në banesë njoftimin zyrtar mbi vendosjen e masës së sigurisë, ndërsa nuk dihet nëse GJKKO do të miratojë edhe dy kufizime të tjera, mbikqyrjen policore dhe ndalimin e kontakteve me persona të tjerë, jashtë familjarëve që jeton Berisha.