Të shtëna me armë zjarri janë raportuar mbrëmjen e sotme (28 dhjetor) në Fier, në rrethrrotullimin pranë Bashkisë.
Mësohet se nga të shtënat është plagosur një person, ndërsa autori i kësaj ngjarjeje është shoqëruar në komisariat. Nga raportimet e para dyshohet se, një polic ka plagosur djalin e kolegut të tij.
Mësohet se efektivi i i policisë që ka qenë në patrullë është konfliktuar me një person nga Levani. Pasi grindja ka agravuar, efektivi i policisë së patrullës, ka nxjerrë armën e shërbimit dhe ka plagosur të riun.
Policia ka mbërritur në vendngjarje.
Ende nuk dihen shkaqet që çuan në përdorimin e armës.
Ngjarja ka ndodhur në qendër të qytetit ku po zhvillohej një aktivitet muzikor, ku policia kishte bllokuar rrugën për të mos lejuar kalimin e automjeteve. Sipas informacioneve dyshohet se personi që ka mbetur i plagosur është konfliktuar me efektivin pasi ka kërkuar që të kalojë rrugën. Dyshohet se ka agravuar situata dhe ka përfunduar në shkrepjen e armës.
Discussion about this post