Gemma Wiseman është gjetur e vdekur në një park.
Sipas raportimeve nga mediat angleze, ajo vdiq tragjikisht vetëm disa ditë para Krishtlindjeve.
33-vjeçarja ishte pjesë e skuadrës së Mbretërisë së Bashkuar për Kampionatin Botëror të Futbollit të Shurdhërve 2016 në Itali, ku përfunduan në vendin e tretë në turne, duke marrë kështu medalje bronzi.
Larg atij suksesi, ajo fitoi gjithashtu një të bronztë gjatë Olimpiadës së Shurdhërve 2013 në Bullgari, ndërsa pati sukses të mëtejshëm me Anglinë dhe ekipin e Mbretërisë së Bashkuar.
Gemma kishte qenë asistente mësimore në Norwich dhe ishte nënë e një tre vjeçareje dhe e martuar me Laura Wiseman, e cila gjithashtu kishte qenë pjesë e ekipit të 2016-ës.
Familja e saj – përfshirë një vajzë trevjeçare – tani ka mbetur me zemër të thyer pas konfirmimit të vdekjes së Gemma, raporton “Mirror”. Trupi i saj u zbulua me dhimbje nga një pjesëtar i publikut më 16 dhjetor në një park në periferi të Rackheath, Norfolk.
Një hetim për rrethanat e vdekjes së saj është hapur në Gjykatën e Kërkimeve të Norfolk. Një faqe “GoFundMe” është krijuar për dhe ka mbledhur afro 8000 funte deri tash.
Një deklaratë e postuar në faqe mes tjerash thuhet: “Familja dhe miqtë e saj janë të shkatërruar. Gemma ishte një person i sjellshëm dhe i kujdesshëm me një sens të madh humori. Kudo që shkonte ajo sillte të qeshura dhe energji me vete dhe miqësohej lehtësisht me këdo që kishte fatin ta takonte.
Ne po kërkojmë me dashamirësi donacione për të ndihmuar në pagesën e funeralit të Gemma-s dhe për t’i dhënë asaj dërgimin që meriton vërtet. Pra, nëse jeni në gjendje të dhuroni diçka, kjo do të vlerësohej jashtëzakonisht shumë. Laura është jashtëzakonisht mirënjohëse për ndihmën dhe mbështetjen e të gjithëve në këtë moment të vështirë..
Discussion about this post