Vrasja në Laç, 2 persona në këmbë i zunë pritë biznesmenit dhe hapën zjarr

Zbardhen detaje nga ekzekutimi me armë zjarri në Laç mëngjesin e sotëm. Burime bëjnë me dije se autorët e dyshuar kanë qenë dy. Ata i kanë zënë prite biznesmenit Rakip Roli duke lëvizur në këmbë dhe kanë hapur drejt mjetit të 55-vjecarit zjarr.

Si pasojë e plagëve Roli ka humbur kontrollin e automjetit. Burime gjithashtu bëjnë me dije se  fillimisht ai është përplasur me një automjet tjetër dhe më pas ka përfunduar në një kanal pranë zonës ku ka ndodhur ekzekutimi.

Policia po punon për kapjen e autorëve të vrasjes. Blutë bëjnë me dije se në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur  zbardhjen e plotë të rrethanave të ngjarjes.