Republika Çeke njoftoi se do të zgjasë kontrollet e përkohshme kufitare me Sllovakinë deri më 2 shkurt. Ministri i Brendshëm çek, Vit Rakusan tha se kontrollet do të vazhdojnë pas takimit të kabinetit në Pragë.
Republika Çeke kërkon të luftojë emigracionin e paligjshëm dhe kontrabandën e njerëzve. Të dy vendet i përkasin zonës Schengen, në të cilën supozohet të jetë i mundur udhëtimi pa pasaportë.
“Më shumë se 680 000 persoan tashmë janë kontrolluar që në fillim të tetorit”, tha Rakusan.
Më shumë se 1 100 persona ishin kthyer në kufi. 120 persona të tjerë u transferuan në Sllovaki si pjesë e një marrëveshje ripranimi. Deri më tani, 58 persona janë arrestuar për vepra të dyshuara të kontrabandës.
Discussion about this post