Policia e Bulqizës ka zbardhur detaje të reja lidhur me ngjarjen e një dite më parë, ku një 65-vjeçar humbi jetën në fabrikën e pasurimit të kromit. Gjatë momentit që i ndjeri Mustafa Kamishi po punonte në zonën e grumbullimit të ujërave kulluese të fabrikës, ishte i shoqëruar dhe nga dy kolegë të tjerë, të cilët akuzohen se kanë fshehur krimin.
Punëtorët Rruzhdi Koçi 52 vjeç e Avni Alliu 38 vjeç, nuk kanë kallëzuar krimin, por e kanë dërguar trupin e viktimës tek familja e tij, duke u munduar t’a bëjnë të duket si një vdekje natyrale. Sëbashku me ta në pranga është vënë edhe drejtuesi i fabrikës Islam Nika 53 vjeç. Ata do të gjykohen për veprat penale “Shkelje të rregullave të mbrojtjes në punë”, “Moskallzim krimi” dhe “Veprime që pengojnë zbulimin e së vërtetës”.
Mustafa Kamishi, ka qenë duke punuar në zonën e grumbullimit të ujrave kulluese të fabrikës, së bashku me shtetasit Rruzhdi Koçi, dhe Avni Alliu, të hypur sipër një varke të improvizuar dhe gjatë lëvizjes me të, kanë humbur ekuilibrin duke rënë në ujë, ku si pasojë 65-vjeçari Mustafa Kamishi, ka humbur jetën, dhe pas ngjarjes trupin e viktimës e kanë dërguar në banesë.
Discussion about this post