Bill Clinton dyshohet se hyri në redaksinë e Vanity Fair dhe kërcënoi stafin e revistës që të mos publikonte artikuj dhe informacione që inkriminonin “mikun e tij të mirë” Jeffrey Epstein, sipas dokumenteve të pavulosura të gjykatës.
Pretendimi i mësipërm u bë nga Virginia Giuffre – gruaja e parë që akuzoi publikisht Epstein për abuzim seksual dhe se ai e detyroi atë të bënte seks me Princin Andrew – në një email që ajo shkëmbeu në 2011 me gazetaren Sharon Churcher, e cila po ndihmonte për ta mbyllur marrëveshjen e saj të botimit të librit.
Informacioni për ish-presidentin amerikan është përfshirë në provat e fundit të zbuluara të enjten mbrëma.
Graydon Carter, ish-redaktor i Vanity Fair, mohoi pretendimet e Giuffre, duke thënë për Daily Telegraph se “asgjë e tillë nuk ka ndodhur kurrë”.
Clinton, 77 vjeç, nuk iu përgjigj Vanity Fair për këtë çështje, por zëdhënësja e tij përsëriti deklaratën e tij të mëparshme se ai nuk dinte “asgjë” për krimet e Epstein dhe se ai nuk e vizitoi ishullin e tij privat, siç pretendoi Giurfe.
‘Klintoni i pëlqen vajzat e vogla’
Sipas një deklarate nga Joanna Sjoberg, një nga viktimat e tij të përfshira në dokumente, Epstein dyshohet se dikur i tha asaj se “ish-presidenti Bill Clinton i pëlqen vajzat e vogla”.
Në vitin 2019, një zëdhënës i ish-presidentit tha se ai “nuk ka folur me Epstein për më shumë se një dekadë” dhe se ai “nuk di asgjë për krimet e tmerrshme”.
Megjithatë, nuk ka të dhëna për ndonjë faj nga ana e Klintonit bazuar në dokumentet që janë bërë publike. Epstein ishte akuzuar për abuzim dhe nxitje të vajzave të mitura 14 vjeç e lart. Në vitin 2019, ai kreu vetëvrasje në burg në pritje të gjykimit për akuzat e trafikimit seksual të të miturve.
Discussion about this post