Një film me titull “Dosja Kosova” po xhirohet në shtetin serb, ku subjekti do të ketë të bëjë pikërisht me luftën e Kosovës. Në fokus do të jetë Masakra e Reçakut, të janarit 1999. Ministri i Punëve të Brendshme të Serbisë, Aleksandër Vulin ka pretenduar se e vërteta që dimë është e falsifikuar, ndaj ky film do t’I tregojë botës se kush janë gënjeshtarët.
“Masakra e Reçakut është një gënjeshtër dhe një falsifikim i madh, është detyra e kësaj gjenerate që t’i tregojë botës se kush gënjen.”
Ministri Vulin ka pretenduar se këtë gënjeshtër e ka marrë të mirëqenë edhe NATO, ndaj nisi sulmet ndaj Serbisë.
“Agresioni NATO-s filloi pas një gënjeshtre të tmerrshme për Reçakun.”
Ai shtoi se brezi i tanishëm ka për detyrë të tregojë të vërtetën, pasi sipas tij kjo gënjeshtër ka bërë që Serbia të bombardohet.
“Detyra e këtij brezi është t’i tregojë gjithë botës se na bombarduan dhe na bënë kriminelë falë gënjeshtrave. Gjaku i fëmijëve tanë është mbi ata që e shpikën këtë gënjeshtër.”
Masakra e Reçakut është shënuar në 15 janar 1999 dhe njihet si një nga më të tmerrshmet dhe çnjerëzoret të kryera gjatë luftës së Kosovës dhe Serbisë. Forcat ushtarake serbe vranë dhe masakruan barbarisht 45 shtetas shqiptar në fshatin Reçak dhe ndonëse kjo masakër vërtetohet, Serbia ende e refuzon autorësinë e këtij krimi.
Discussion about this post