Një punonjës i Ujësjellësit të Delvinës është gjetur i pajetë në mjediset e punës. Mesohet se bëhet fjalë për shtetasin Luan Mushi, 50 vjeç, banor i Bamatatit. Babai i dy fëmijëve është gjetur mëngjesin e sotëm pranë depos së ujit në Bamatat në bashkinë Delvinë.
Sipas informacioneve të para, punonjësi kishte shkuar te depoja e ujit për të hapur ujin në orarin e përcaktuar. Por vonesa e kthimit të tij në shtëpi shkaktoi shqetësim për ta të cilët kanë shkuar për ta kërkuar dhe e kanë gjetur të pajetë.
Dyshimet e para janë që 50-vjeçari Luan Mushi të ketë pësuar arrest kardiak.
