“Telenovela” e së ardhmes së Kylian Mbappe mund të mos zgjasë shumë.
Ideja është që kjo çështje të zgjidhet sa më shpejt që të jetë e mundur, në mënyrë ideale para 1/16-të të Ligës së Kampionëve kundër Real Sociedad, me ndeshjen e parë më 14 shkurt, për të përballuar afatet e ardhshme në një klimë më pak armiqësore.
Gjithashtu nga ana e PSG-së, dëshira është që situata të zgjidhet sa më shpejt dhe të mos rrethohet me thashetheme dhe rrjedhje të informacioneve të të gjitha llojeve për muaj të tërë.
Që nga vera e kaluar, klubi parisien nuk e ka përjashtuar mundësinë e largimit të Mbappe.
Në zyrat e Parc des Princes po përgatitet një plan A me të dhe një plan B pa të.
Mbappe nuk do të ketë kohë shtesë për të rikonfiguruar edhe një herë projektin e tij, pasi kjo mund të ketë pasoja të tjera të brendshme.
Ylli duhet ta thotë shpejt vendimin e tij, ndryshe klubi do të marrë masa.
Discussion about this post