Nëna e 4 fëmijëve ndërmorri aktin ekstrem të vetëvrasjes pas bullizmit në rrjetet sociale. 41-vjeçarja banuese në Durrës piu fotoksinë në datën 2 janar, teksa në emër të saj ishte hapur një adresë false në TikTok ku bullizohej.
Ngjarja e rëndë u pasua me reagime të shumta, një prej të cilëve ishte edhe ai i Kryetares së Kuvendit, Lindita Nikolla. Kjo e fundit kërkon nga agjensitë ligjzbatuese që të reagojnë më shpejt, me më shumë forcë dhe efiçience për parandalimin e rasteve të tilla, të cilat ndodhin para syve të të gjithë shoqërisë dhe shkaktojnë ngjarje tragjike e trauma familjare.
“Kuvendi do të rishqyrtojë menjëherë, me përparësi ashpërsimin e legjislacionit për mediat online dhe Kodin Penal, sidomos dispozitat që lidhen me krimin kibernetik, sulmet, fyerjet dhe agresivitetin në rrjetet sociale”, shprehet Nikolla.
Reagimi
“Një nënë e katër fëmijëve, u vetësakrifikua për shkak të denigrimit në mediat sociale. Fëmijët dhe bashkëshorti humbën njeriun e tyre më të dashur, që i kishte thirrur për t’u gëzuar bashkarisht për festat.
U bëj thirrje organeve të drejtësisë t’u japin shkaktarëve dënimin maksimal, të merituar.
Kjo ngjarje tragjike duhet të shërbejë si një apel i fuqishëm për shoqërinë dhe institucionet.
Kuvendi do të rishqyrtojë menjëherë, me përparësi ashpërsimin e legjislacionit për mediat online dhe Kodin Penal, sidomos dispozitat që lidhen me krimin kibernetik, sulmet, fyerjet dhe agresivitetin në rrjetet sociale.
Agjencitë ligjzbatuese duhet të reagojnë më shpejt, me më shumë forcë dhe efiçience për parandalimin e rasteve të tilla, të cilat ndodhin para syve të të gjithë shoqërisë dhe shkaktojnë ngjarje tragjike e trauma familjare.
Ngushëllime fëmijëve, bashkëshortit dhe familjarëve të të ndjerës!
U prehtë në paqe!”, thekson Nikolla.
Discussion about this post