Moti i rënduar ka shkaktuar probleme në disa akse rrugore, duke vështirësuar qarkullimin e mjeteve. Ditën e sotme, Dibra është përfshirë nga reshjet e dëborës, ndaj si pasojë kalimi i automjeteve në bypass-in e Rrugës së Arbrit shfaqet problematik. Automjetet mund të kalojnë në këtë aks vetëm me zinxhirë, ndërkohë raportohet se ka nisur puna për pastrimin e rrugës me borëpastruese, në mënyrë që të lehtësohet qarkullimi i mjeteve.
Mëngjesin e sotëm Autoriteti Rrugor Shqiptar bëri me dije akset rrugore më problematike si pasojë e situatës meteorologjike. Llogaraja, Boboshticë-Dardhë km 7-14, Dedaj-Razëm janë përfshirë nga reshjet e dëborës, ndaj ARRSH ka apeluar ndaj drejtuesve të mjeteve që të marrin masat e duhura për të kaluar në këto terrene të vështira.
Discussion about this post