Policia ka publikuar pamjet e arrestimit të 83-vjeçarit, Fasli Nuti, i cili qëlloi me armë zjarri nga ballkoni i banesës duke rrezikuar jetën e kalimtarëve në Shkodër.
Gjatë ndërhyrjes së Policisë, 83-vjeçari kërcënoi me armë zjarri kallashnikov, për t’i vrarë, punonjësit e Policisë.
Autori nuk iu është bindur thirrjeve për t’u dorëzuar, por është futur në banesë, ka mbyllur derën dhe më pas ka kërcënuar për vrasje punonjësit e Policisë. Pas kësaj, autoritetet shqyen derën e banesës dhe bënë të mundur arrestimin e tij.
Në banesën e të arrestuarit u gjet dhe u sekuestruan një armë zjarri kallashnikov, një armë gjahu dhe municion luftarak.
Discussion about this post