Ish-zëvendëskryeministri, Erion Braçe, ka komentuar sot Kuvendin që të mblidhet nesër nga Berisha, madje e ka krahasuar këtë të fundit me Hitlerin. Sipas Braçes, Berishës nuk i kanë munguar kurrë të ardhurat, por kurrë ashtu sikur po bëhet me Kuvendin e 11 dhjetorit, nuk është ditur sa kush punon dhe kush paguan për këto shërbime të Berishës. Braçe denoncon rastin, duke ngritur dyshimet se ku i merr Berisha paratë për të paguar qiranë e stadiumit.
“Shumë thasë me lekë, shumë! Që Sali Berishës s’i kanë munguar kurrë paratë, kjo nuk është e re! edhe Hitlerit si munguan kurrë! Por një gjë nuk kuptoj; në zemër të Tiranës, po shpenzohen shume thasë me lekë nga një njeri i vetëm, por asnjë agjenci ligjzbatuese nuk lëviz nga vendi. Para për qiranë e stadiumit, para për tribunen, para për ekranet, para për zërin, para për transmetimin, para para para para para; po burimi cili është”, shkruan ai. Sipas tij të gjithë ata që punojnë janë pa logo dhe pa asnjë shenjë identifikuese, se cilës kompani i përkasin, apo nga kush paguhen.
Ndër të tjera, ai fajëson edhe qeverinë e të gjithë institucionet përgjegjëse se nuk marrin asnjë hap për të zbuluar se nga ku dalin këto para që do të derdhen nesër, duke theksuar se edhe në këto vite që në qeveri ka qenë PS, Berishës nuk i kanë munguar të ardhurat dhe asnjëherë nuk është bërë asnjë kallëzim apo kërkesë llogarie për para që shkojnë dëme.
Discussion about this post