Në ditën e sotme qeveria e Kosovës ka marrë një vendim mjaftë të rëndësishëm, në kuadër të luftës kundër korrupsionit. Sipas këtij vendimi, tani e tutje të gjithë mjekët dhe pedagogët që punojnë në institucionet publike do të duhet të deklarojnë pasurinë.
Ky vendim është marrë me kërkesë të zëvendësministrit të Drejtësisë, Blerim Sallahu, i cili është shprehur se ky vendim duhej të ishte marrë më parë, duke qenë se shpesh janë raportuar shkelje nga këto kategori. “Është bërë një kategorizim i ri i zyrtarëve publikë që do të deklarojnë pasurinë. Në kategorinë e zyrtarëve publikë janë shtuar mjekët dhe profesorët në institucionet publike”, ka thënë Sallahu. Kërkesa e Sallahut u miratua me shumicë votash nga kryeministri, ministrat dhe zëvendësministrat të pranishëm në mbledhje. Sakaq pritet, që ky projektligj të miratohet së shpejti edhe në Parlament.
Discussion about this post