Një tjetër shqiptar së shpejti mund t’i bashkohet elitës së futbollit italian, edhe pse ende nuk ka luajtur asnjë ndeshjen me Kombëtaren kuqezi. Bëhet fjalë për djalin e ish-kapitenit të Shqipërisë, Rudi Vata, Rocco, që shihet si një nga talentet më premtues në Europë.
18-vjeçari ka shkëlqyer me të rinjtë e Celtic në Skoci dhe disa herë madje është grumbulluar dhe në skuadrën e parë. Kjo gjë ka zgjuar interesin e disa klubeve në Europë dhe këtë gjë e ka konfirmuar vetë eksperti i merkatos, Fabrizio Romano.
Sipas tij, në garë për të është Bologna, e cila po bën gati një ofertë për të bindur “keltët” që në janar. Bologna për momentin ndodhet në vendin e pestë në Serie A, vetëm 1 pikë larg zonës Champions, ku synon të marrë pjesë sezonin e ardhshëm.
🔴🔵🇮🇪 Excl: Bologna are interested in Celtic 18 year old talent Rocco Vata as potential opportunity for the January transfer window.
Talks expected to take place soon and more will follow as interest in Irish talent is now growing. pic.twitter.com/9Yod8p4nt9
— Fabrizio Romano (@FabrizioRomano) January 8, 2024
Discussion about this post