Ylli i Bayern Munich, Joshua Kimmich do të mungojë për ndeshjet e mbetura të këtij viti për shkak të problemeve me mushkëritë, pas infektimit me Covi-19. Konkretisht, flitet se Kimmich ka “infiltrim të lehtë në mushkëri”.
Gazeta gjermane BILD ka komunikuar me shkencëtarin e sporteve, Prof. Dr. Ingo Froböse nga Universiteti gjerman i Sportit në Këln për të kuptuar se çfarë do të thotë kjo për Kimmich në të vërtetë.
Froböse ka shpjeguar se bëhet fjalë për një lëng në mushkëri që vjen si pasojë e një inflamacioni, në këtë rast pneumonia. Ai ka treguar se ka raste kur pasojat mund të jenë edhe më të mëdha, pa përjashtuar edhe inflamacion të muskujve të zemrës.
“Një infiltrim mund të jetë ose lëng në mushkëri që rezulton nga një inflamacion, domethënë pneumonia, ose infiltrimi mund të jetë ind qelizor. Shpesh ndodh që mushkëritë të trashen. Ne nuk e dimë vërtet në këtë rast. Bayern ka njoftuar ‘një infiltrim të lehtë’ për të mos thënë saktësisht se çfarë fshihet pas tij. Ka një sërë pasojash korona, shpesh pneumoni, e cila më pas rezulton në infiltrim. Si rregull, bëhet fjalë për lëngje, pothuajse në 80% të rasteve si reagim ndaj proceseve inflamatore – këtu pas reagimit imunitar si pasojë e Covid-19. Pasoja e infiltrimit është se vëllimi i mushkërive nuk është më i disponueshëm në maksimum. Trupi reagon ndaj infiltrimit, kështu që inflamacioni është i pritshëm. Nëse organet janë më të lodhura, kjo mund të çojë në pasoja masive – duke përfshirë inflamacionin e muskujve të zemrës. “
Froböse theksoi se Kimmich duhet patjetër të pushojë dhe në asnjë mënyrë të mos fillojë të stërvitet herët dhe nuk la pa përmendur faktin se nëse futbollisti do të ishte vaksinuar, pasojat do të ishin më të lehta.
Discussion about this post