Sali Berisha, kreu demokrat, e cilësoi Blendi Gonxhen si hajdutin e 3-të më të madh të kombit shqiptar, pas Kryeministrit Edi Rama dhe kryebashkiakut të Tiranës, Erion Veliaj.
Berisha tha se si mundet që ekonomia ti dorëzohet një njeriu që ka profesion të vetëm “vjedhjen”.
“Si mundet që kultura dhe inovacioni ti drejtohen një njeriu që meritë të vetme ka vjedhjen e tmerrshme me tenderat me drejtoreshën e AKSHI-t?
Edi Ramës i duhet një njeri që të firmosë vjedhjet, Edi Ramës i duhet Gonxhe që të firmosë vjedhjet e vlerave të trashëguara të shqiptarëve, Edi Ramës i duhet Gonxhe që të gjithë sistemin digjital ta përdorë për qëllimet e tij dhe familjes së tij”, tha Berisha në fjalimin e mbajtur nga apartamenti i tij, duke iu drejtuar mbështetësve që vijojnë të mbështesin kreun demokrat, i cili ndodhet në “arrest shtëpie”.
Duke shprehur mirënjohjen më të thellë, për protestën e mbështetëse të tij, Berisha tha se ajo tregon vendosmërinë për një përballje me ketë regjim, i cili në të vërtetë po shfaros në mënyrë paqësore shqiptarët.
“Me këtë regjim që arriti të vendosë në Shqipëri, pushtetin absolut të një njeriu që nuk ka interes kombëtar, shoqëror, por ka vetëm interesa personale të pushtetit të tij dhe sojit të tij të korruptuar.
Pas rrëmbimit të zgjedhjeve, Edi Rama në mënyrën më të vendosur vazhdoi në rrugën e tij të luftës së egër kundër opozitës, vazhdoi krijimin me çdo kusht të një Shqipërie pa opozitë.
Miqtë e mi, në rast se ju ndaleni për një moment dhe rikujtoni fjalorin e këtyre ditëve, të këtyre muajve dhe rikujtoni fjalorin e përditshëm të këtyre viteve të fundit, do të gjeni se dy fjalë janë më kryesoret në mediat dhe fjalorin e çdo dite.
Fjala krim dhe fjala vjedhje.
Vjedhje e qeveritarëve, krimi që vret në rrugë, krimi që godet në çdo skaj të vendit, krimi që vendos në parlament, që vendos në qeveri, që vendos kudo në Shqipëri.
Pra sot ne jemi në një aleancë të pushtetit me krimin dhe krimit me pushtetit”, tha Berisha.
Sipas tij, kjo aleancë ka bërë që Shqipëria të rrënohet gjithnjë e më shumë, duke shtuar se kjo aleancë ka bërë që 6 muaj më parë në krye të rendit dhe sigurisë, të emërohej politikani më i lidhur me krimin, se çdo politikan tjetër përveç Edi Ramës.
“Emërimi i Taulant Ballës nga aleanca e krimit me pushtetin në krye të rendit, shënonte dorëzimin përfundimtar të rendit, sigurisë, në duart e krimit.
Ka 6 muaj në detyrë, ka arrestuar me operacione false, me dhjetëra fëmijë e adoleshentë. Asnjë ngarkesë droge, asnjë trafikant nuk është vënë pas hekurave, përkundrazi vijnë ngarkesat me kontejner, shkojnë te trafikatët dhe kthehen te policët e Ballës për ti pirë lëngun.
Kjo ndodh se krimi ka vendosur në ministri, përfaqësuesin më të shëmtuar, Taulant Ballën.
A nuk ishte ky njeri që me dokumente u gjet se kishte shoqëruar 54 herë, Taulant Begon, Edmond Begon me siguri me çanta kokaine.
Të shoqërosh një njeri 54 herë jashtë vendit nuk mund të ndodhë përveç se ne lidhje me krimin.
Taulant Balla që ka sot rendin, në një nga aktet e tij më të para prishi sistemin TIMS sepse këtu janë të stamposura gjurmët e tij me krimin, gjurmët e krimeve të Edi Ramës. Janë të stamposura qindra udhëtime të tij me avion personal, në destinacione pa asnjë mision tjetër, përveç misioneve të zeza.
Në sistemin TIMS që prishi Balla janë gjurmët e vëllait të Edi Ramës, Olsi Rama që përcillte kreun e Xibrakës për në Kubë.
Në sistemin TIMS janë të gjitha aktet në gjurmë të krimeve të pushtetit dhe bandave të tyre”, tha Berisha.
Discussion about this post