Inter do të jetë kampion në Itali, për këtë janë të bindur të gjithë trajnerët e Serie A, përveç njërit. La Gazzetta dello Sport ka bërë një sondazh me 15 trajnerë të Serie A, pyetja ishte e thjeshtë, kë shihnin favorit për titullin? 13 nga 15 trajnerët e pyetur kanë zgjedhur Interin, vetëm Gasperini i Atalantas ka zgjedhur Juventues, ndërsa Claudio Ranieri ka bërë dy zgjedhje Inter dhe Juventus. Interesat është se në këtë sondazh edhe Stefano Pioli ka votuar për Inter, pavarësisht rivalitet të madhe mes dy ekipeve.
Ndryshe nga Pioli, Allegri dhe Jose Mourinho nuk kanë preferuar të japin një votë, nuk kanë preferuar të shprehin një mendim, ashtu si edhe Sarri i Lazio-s apo Thiago Motta i Bologna-s.
Për momentin, pas gjysmës së parë të sezonit, gara për titull shihet vetëm ndërmjet Inerit dhe Juventuesit, gjithnjë duke iu referuar shifrave. Zikaltërit ndodhen në vendin e parë me 48 pikë, dy më shumë se sa Juve. Nëntë pikë larg kreut ndodhet Milani i Piolit.
Discussion about this post