Superliga shqiptare e futbollit rikthehet në aksion pas dy ditësh. Prej fundit të vitit të kaluar, elita e futbollit në vend ishte me pushime, kjo pas mbylljes së gjysmës së parë të sezonit.
Gjithçka do rinisë më 12 janar në orën 17:00, aty ku luhet derbi Dinamo – Tirana. Java e 19-të e Superligës do zhvillohet në tre ditë, për të vijuar të shtunën me Egnatia – Skënderbeu dhe Partizani – Teuta.
Të diel më 14 janar zhvillohen edhe sfidat e mbetura, Laçi – Erzeni dhe Vllaznia – Kukësi. Pas 18 javësh të luajtura, Egnatia kryeson me 37 pikë, pesë më shumë se Partizani ndjekës. Tirana dhe Vllaznia me 26 pikë plotësojnë zonën “final four”. Erzeni, Kukësi dhe Teuta qëndrojnë në zonën e ftohtë.
Superliga, java 19-të:
12 janar 2024
17:00 Dinamo – Tirana
13 janar 2024
13:30 Egnatia – Skënderbeu
17:00 Partizani – Teuta
14 janar 2024
13:30 Laçi – Erzeni
17:00 Vllaznia – Kukësi
Discussion about this post