Kryeministri Edi Rama u tregua i prerë lidhur me aksionin opozitar në Kuvend, duke u shprehur se gjithçka bëhet për një problem individual, që nuk është as i shoqërisë dhe as i vendit.
Rama tha se përsa kohë do të ketë boks e ndezje flakadanësh, mazhoranca do të votojë e do të ikë.
“Sa kohë do ketë boks e ndezje flakadanësh, ne do votojmë dhe do ikim. Lufta fizike në Kuvend bëhet për një problem individual, jo i shoqërisë dhe i vendit.
Nuk ka më bojkot, pse u braktis bojkoti si mjet, sepse i çoi në fund të greminës. Keni parë më? Keni dëgjuar më, edhe për këta që kanë dilemat e grushteve dhe mundjes të thotë që do hymë në zgjedhje të parakohshme”, u shpreh Rama.
Në vijim ai u shpreh se ndoshta ka ardhur koha për t’i dhënë fund komisioneve bi-partizane, duke pasur parasysh këtu atë të reformës zgjedhore, ndërsa shtoi se reforma do të bëhet dhe vendi nuk do të lihet pa zgjedhje.
Discussion about this post