Aksident në Fier, plagoset rëndë drejtuesi i një motori

Një aksident ka ndodhur pasditen e sotme në Fier, ku një automjet tip fuoristrada ka përplasur një motor.

Aksidenti ka ndodhur në rrugën “Mujo Ulqinaku” pranë shkollës artistike “Jakov Xoxa”. Si pasojë e aksidentit ka mbetur i plagosur rëndë drejtuesi i motorit.

Ai është transportuar në spitalin rajonal të Fierit në gjendje kritike për jetën.

“Rreth orës 17:05, në lagjen “8 Shkurti”, Fier, automjeti tip “Renge rover”, me drejtues shtetasin A. C., është përplasur me një motomjet tip “Honday”.

Si pasojë e përplasjes është dëmtuar drejtuesi i motomjetit i cili ndodhet në spital, në kujdesin e mjekëve. Personi i dëmtuar, shtetasi L. Ç., 59 vjeç, banues në Fier. Grupi hetimor po punon për zbardhjen e shkakut të aksidentit dhe identifikimin e personit të dëmtuar”, sqaron Policia.